احجز جلسة اونلاين

لما بدأت كنت خايفه إني أدمن علاج معين زي ما بسمع دايما .. بس علي عكس اللي كنت متوقعاه الدكتور قاللي هي مجرد فتره ونقدر نوقفه بالتدريج في أي وقت .. و فعلا الأدوية اللي أخدتها حتي ماكنتش بتنقل المود بتاعي لأحسن مود و خلاص زي أدويه تانيه لا دي بس بتهدي شويه افكاري و بتخليني اعرف أمارس اليوم بشكل طبيعي زي زمان .. و قدرت أوقفها عادي محصلش أي رد فعل قاسي من جسمي ولا أعصابي ..

التجربة بجد تستاهل و اهم حاجه هي صحتنا النفسيه عشان نعرف نكمل و نوصل للي احنا عايزينه ❤️

حقيقي هي اهم خطوة في حياتي بغض النظر حتي عن العلاج نفسه الخطوة نفسها مع طبيب عنده ضمير و مستمع جيد بتفرق كتير الوعي فعلا ب ان التعب النفسي زيه زي اي تعب عضوي ده اكتر حاجه محتاجينها في الفتره دي تحديدا 🤍

شكرا دكتور لمساعدتك الدائمة و تحليلك لادق افكاري و مساعدتي للوصول لنفسي و تقبلها بشكل افضل .. 🤍

تجربتي مع العلاج النفسي كانت مرهقه جدا ومؤلمه بالنسبالي لان كنت بعاني ان الاقي دكتور قادر يستوعب الحاله ويستوعب تفكيري ويقدر يظبطلي أدويتي ويكون واعي لكل الظروف الي بمر بيها مريت بدكاتره كتير سببولي مشاكل اساسا بسبب فرض ارائهم الشخصيه مش الطبيه الواجب تواجدها ،مؤخرا بمحط الصدفه تابعت مع دكتوري حاليا دكتور محمد حجازي وحقيقي لا اكتشفت بعد معاناة ،ان الأدويه نقدر نظبطها ونقدر نظبط مشاعرنا نقدر نمارس حياتنا بشكل افضل ونحاول نلاقي حلول تخلينا مرتاحين واحنا مستمرين في رحله علاجنا النفسيه وقادرين نكملها

بقيت بحاول الاقي اكتفيتي مفيده ليا ولصحتي وان اكون مشغوله بكوني شخص افضل ليا والاقي الحاجات الي بحبها وأعملها وأحاول فيها بقينا في وضع احسن بكتير

وبقيت بحاول اقوم من سريري واقول يمكن النهارده ينفع

في البدايه كنت رايحه لدكتور اخد علاج يهديني عشان بحس علي طول اني اوت اوف مود مكنتش مهتمه اني ابقي احسن علي قد ما كنت عايزه حاجه تسكني لحظيا لحد ما بدات جلسات و بدات اخرج اللي جوايا و بدات اشوف صورتي كامله و افهمها و استوعبها و استوعب انا مريت بايه و انا بيحصلي ايه و وصلت لده ليه بعد فتره علاج وجيزه بدات افكر بشكل اوضح تلقائي بدات اكون اهدي بدات كل حاجه كانت عشوائيه في حياتي ترجع لترتيبها ااه انا متعالجتش كاملا و في لسه حاجات عايزه تتظبط بس اقدر اقول اني احسن و بقيت اقوي بفضل الدكتور بعد ربنا طبعا 🥰

نا كنت متردد كتير أن أبدأ العلاج النفسي وعندي مخاوف كتير من ناحيته بس لما ابتديت افهم اني محتاج للمساعدة بجد وبقي عندي الوعي الكافي اتوجهت للدكتور والصراحة مقصرش وعرفت أن عندي قلق وعندي افكار كتير غلط والحمد لله اتنقاشنا فيها وابتديت ادي مساحة للتفكير في كل حاجه مفضلش متشبث بأفكار وهيا في الأساس غلط واحنا سعات بنتبني افكار بتكون غلط عشان نثبت لنفسنا أننا مبنغلطش لكن أن انت تعترف بغلطك وتبدتي تصلحو هوا دا الصح وطبعا كل الشكر للدكتور كان السبب اني اتحسنت كتير ربنا يجزيه خير

الحمد لله اني عرفت الدكتور و اتعالجت معاه، كان ليه الفضل بعد ربنا انه يعالجني و أتحسن تحسن كبير جدا أكثر من توقعاتي في زمن قياسي. مع العلم انه كان ليا تجربة سيئة جدا و سلبية مع معالجة نفسية خلتني أتراجع نفسيا و مشاكلي تزيد و الدكتور طلعني من المشاكل دي...عندي اضطراب الشخصية الحدية، توتر، تعلق، تشتت و شوية حاجات

بس الحمد لله دلوقتي أحسن كثير و وضعي لا يقارن بما كنت عليه، ربنا يبارك في الدكتور و الله و يكرمه..بشكرك يا دكتور و بدعيلك 🤍🤍🤍

اولا كانت فكرتي عن الدواء النفسي غير جيدة بالمرة وان هذا النوع من الدواء له آثار نفسيه سلبيه لكن اقنعني الدكتور بطريقته السلسة وتشبيهاته المقنعة علي ضرورة واهميه العلاج النفسي وبصراحه طريقته وأسلوبه غيرت فكرتي السلبيه عن الدواء النفسي اعتقد أن طريقه وأسلوب الطبيب النفسي مهمه جدا وأعتقد أن الطب النفسي من أهم فروع الطب وان الطبيب النفسي هو طوق النجاة لمجتمع يمر أفرادة بظروف في منتهي القسوة علي صحتنا النفسيه وتجربتي مع العلاج أعادت لي حياتي الطبيعه التي افتقدها بسبب ازمتي النفسيه وكان العلاج الجسر الذي إعادة لي حياتي الطبيعه التي عرفت قيمتها بعد ازمتي النفسيه واتمني من الله عز وجل أن يكتمل علاجي باذن الله الآثار السلبيه للدواء النفسي لا قيمة لها بجوار الآثار الايجابيه للدواء لدرجة أنني افكر كيف كانت حياة البشريه قبل هذة النوعيه من الادويه لابد أن نعترف بقيمه الطبيب النفسي وقيمه العلاج النفسي لابد أن نعترف بطبيب ودواء يعيد للإنسان دورة حياة الطبيعيه التي لا تقدر بثمن اشكر طبيبي المتميز الدكتور محمد حجازى واشكر الله مسبب الاسباب

بأن يجعل هذا الرجل أن شاء الله سبب لعودة الحياة الطبيعه الهادئة الي حياتي مرة أخري واخيرا تجربتي مع العلاج النفسي اراها ايجابيه جدا الحمد لله

ان تعود لما كنت عليه بالسابق

ان تستيقظ يوما وتجد لسانك يلهث بالحمد وعقلك يخبرك بحدثا هام ...اليوم شُفيت من مرضي بعد شهور طويلة من معركة الاكتئاب المريرة ان نعود لروتين معتاد وللسعادة بمتاعنا الصغير ولكوب شاي بالنعناع يجعلني رائقة البال والحال ...لتطوري في عملي واختفاء نظرتي التشاؤمية وتوابعها

ان اعود لحب الحياة التي انتبذتها نفسي من قبل ...هذا كله بفضل الله سبحانه وتعالي ثم لسبب سخره في طريقي ليعاونني علي تخطي تلك الفترة الصعبة وعلي تقبل نفسي مرة ثانية بكل آثامي وعيوبي

شكرا لطبيبي البشوش ..وادعو الله لك دومًا بأن يجعلك في اعلي المنازل

عمري ما كنت غير متصالحه مع فكره الدكتور النفسي و كنت بشوفها حاجه ديما مفيده و مريحه جدا للانسان لحد ما ابتديت اروح لدكتور نفسي و فعلا شوفت كل الكلام دا بعيني و حسيته

روحت لدكاتره كتير و اتاذيت من دكاتره كتير بطرق بشعه بس في الاخر لاقيت الاحسن و اللي ارتحت معاه ف هي مش من مره لازم اتعب و ادور و و اجرب عشان الاقي اللي يريحني و اكون مرتاحه و مطمنه معاه

من غير الكتور النفسي عمري ما كنت هرتاح ولا اهدي و دي بالنسبالي نعمه بحمد عليها ربنا ,بقيت احاول اتقبل نفسي و احب نفسي و بحاول اشوف نفسي شخص طبيعي و شخص مسالم جدا ..الدكتور وجهني للطرق الصح اللي كنت محتجاهه اللي عمري ما كنت هوصلها

انا ممتنه لنفسي و لدكتوري جدا و دا الشخص للي فعلا اعرف اثق فيه و عارفه اكون مرتاحه معاه ..انا اتغيرت كتير و بقيت احسن كتير علي الاقل الحمد لله كانت امنيتي اني اعرف انام كويس و بقيت الحمد لله بنام كويس.

أنا آية و حابة أتكلم عن تجربتى و رحلة العلاج أللى بدأت فيها لما كان عندى ١٢ سنة بدأت بالوساس القهرى طبعا أنا مكنتش فاهمة طبيعة المرض بس أللى حواليا بدأوا يلاحظوا انى بنضف over و قرفانة من كل الناس فأقنعونى أروح لدكتور نفسى ،و روحت لدكاترة كتير و كتبولى علاج للوساس القهرى و طبعا أللى سبب ليا اكتئاب و خدت أدوية استمرت سنين بعدين اتعافيت و قررت إني أبطل الآدوية بالتدريج... بعدين بابا اتوفى فحصلتلى انتكاسة و رجعت أسوء من الأول قررت ارجع للأدوية بردوا من نفسى لمدة ١٠ سنين لحد ما الحالة بقت أسوء فقررت أروح لدكتور نفسى ، بالفعل روحت مع انى كنت حاسه مش هيحصل جديد و حالتى سيئة و كان عندى اكتئاب بس هو خلانى أفكر فى عالم تانى كنت قافلة نفسى عنه بدأت بالتدريج أتحسن بعد ما كنت بنضف كل حاجة و مش عارفة أتعامل مع الناس بس بالعكس بدأت الاعراض تقل... آه خدت أدوية مختلفة بس اتحسنت و بتحسن.... بدأت ارجع زى الأول قبل وفاة بابا و لسه مكملة فى رحلة العلاج لحد ما اتعافى.....و طبعا حصل تحسن فى الأعراض و لسه بتحسن من شخص بينضف كل حاجة و كاره الحياة لشخص تانى و انا متفائلة انى هرجع زى الأول إن شاء الله

انا وصلت لنتيجه كويسه بعد شهرين وده بفضل ربنا ودكتور محمد حجازي ، بعاني من ارق وقلق شديد والدكتور قالي العلاج هياخد وقت ، الدكتور مستمع جيد جدا بيقدم حلول معنوية مع اختيارك اذا كنت حابب تاخد علاج او لا ، كان عندي لخبطه كتير وفكر اكتر بس لما بخرج من الجلسة حقيقي بفضي كل افكاري واهدا نوعاً ما ، دلوقتي اتحسنت بمجرد النقاش والوصول لحلول وقراية شويه مقالات تساعد في العلاج وده بمساعده الدكتور 🌹

في البدايه بالنسبالي احسن قرار اخدته اني روحت لدكتور نفسي لان يمكن من ضغوط الحياه والمشاكل اللي بنواجهها مبنحسش ان فعلا محتاجين مساعده غير بعد ما يحصل موقف يخلينا نعيد حسابتنا ونقتنع اننا محتاجين مساعده من حد متخصص

الموقف اللي حصلي كان ابتزاز من شخص كنت بحبه ووثقت فيه وكان الموقف صعب وكنت منهاره نفسيا جدا وفعلا كان اصعب موقف حصلي في حياتي لحد ما قررت اروح لدكتور نفسي يساعدني اتخطي الموقف ده وكان جوايا احساس ان ده مجرد موقف وهيعدي لكن كنت عاوزه اعالج اساس المشكله اللي وصلتني للموقف ده وفعلا العلاج فرق معايا اتخطي الموقف تماما واثاره النفسيه تقريبا انتهت لان قدرت اخد حقي من الشخص ده الي جانب العلاج النفسي ساعدني اتخطي اثار الموقف وكمان بقيت في حياتي اهدي وبتصرف افضل كنت الاول مندفعه وبتوتر واقلق واتعصب من اقل موقف لكن حاليا نفسيتي بقت اهدي جدا وثقتي بنفسي زادت ومبقتش مندفعه تجاه الاشخاص ولا بستمد ثقتي وسعادتي من خلالهم ...ابتديت احب نفسي واتقبل اخطائي واحاول ابقي احسن

مبسوطه باني خدت القرار ده اني اهتم بصحتي النفسيه ...لانه فرق في حياتي جدا وكمان الراحه النفسيه اللي كنت بحسها لما بكلم مع الدكتور وهو بالفعل مستمع جيد ويعطي الشخص مساحه للتعبير عن افكاره ومشاعره السلبيه ويركز علي اصل المشكله وبيساعدني احول الافكار السلبيه لافكار ايجابيه

بنصح اي حد ميترددش في طلب المساعده لما يتعرض لضغوط نفسيه ...علي الرغم ان الموقف كان مجرد سبب يخليني الجأ للعلاج النفسي لكن ساعدني العلاج النفسي اعالج مشاكل نفسيه قديمه عندي ولسه مستمره ابقي احسن ومتفائله باللي جاي

💙💙

انا مريم، ودي رحلتي في العلاج النفسي .. اولاً انا مبسوطة جداً اني خدت الخطوة دي وحاسه لو كنت جيت من قبل كده كنت هقلل خساير كتير حصلت في حياتي بس الحمدلله يعنيالمهم اني وصلت:') انا في جلساتي لقيت ان المشاكل النفسية ليها علاج عادي زي البرد والصداع وبيجيب نتيجة، لقيت ان المشاكل النفسية ممكن نعالجهاونقلل حدتها وتاثيرها السلبي علينا واللي احياناً بيعوق حياتنا زي م-كان في حالتي. انا مشاكلي منتهتش بس بقيت قادره اتعامل في وجودها ..بقيت مبقلقش كتير بسببها وبنام عادي من غير قلق. انا كان عندي قلق وتوتر ملازمني وكتير مبنامش بسببهم وده بيبوظلي ايامي وتحت stress جامد شويه كانت حياتي بتتعطل خالص. حاولت اتغلب علي ده لوحدي بس معرفتش ودي حاجة بوظت مني سنين كان ممكن اعيشها بشكل افضل، اختيارات افضل، ونتايج احسن،وخساير اقل. جالي وقت مش بقدر اقوم من النوم من وجع جسمي اللي سببه زعلي، كنت لما بزعل بزعّل كُل جسمي معايا، كنت بحس اني بتعصر منجوا، وغصب عني مش قادره اتحكم في حاجة زي كده. لحد م فيه يوم بتكلم مع واحده صاحبتي واقترحت عليا العلاج النفسي وعن تجربتها الشخصية وازاي ده فادها. الحقيقة ده مكنش اول مرة اسمع عن الكلام ده، انا كنت مهتمه اصلاً بالصحة النفسية و كان interesting field بالنسبالي ومتابعه دكاترهنفسيين علي ال social media وقريت كام كتاب بيشرحوا حاجات بشكل عامّي كده، ف كنت بحب الحاجات اللي بتعرفني عن نفسي وعنناس ومواقف حواليا وبتنور spots كده في دماغي. بس كانت مشكلتي الاساسية ازاي ه-open up لحد معرفوش؟ لحد موصلت ليوم صاحيه تعبانه اوي وورايا شُغل ومش قادره حتي اقوم من السرير ساعتها خدت القرار اني انزل، اصل ايه اسوء حاجة ممكن تحصل يعني اكتر من ان حياتي واقفه خالص كده ؟ بالعكس مش يمكن حديقدر يساعدني؟ وكان من افضل القرارات اللي خدتها الحمدلله، القلق والتوتر طلع ليهم علاج ونقدر نتحكم فيهم. بقيت قادره اتعامل انهارده مع الدنيا بشكل متزن لو حصل حاجة بتضايق، بتضايق بس مش اوي، مش المضايقه بتاعت الاول اللي كانت بتوقفلي حياتي ومش بخوف وقلق ياكلوني و يشلّواحركتي. بقيت بفرح وبزعل وبفكر بشكل عادي من غير م احساس فيهم ياكلني زي الاول. انا لسه مخلصتش علاجي ولسه بتعرف علي نفسي، بس مبسوطه بشكل عام وحاسه ان العلاج النفسي حاجة جميلة كُل الناس محتجاهاعشان يعيشوا حياة افضل. حاجة اخيرة العلاج النفسي ده رحلة بتحتاج وقت لان مفيش حبايه سحريه ولا شخص قادر يحللنا مشاكلنا، فهي رحلة محتاجة مُثابره لفهمنفسنا بس رحلة مُثمرة وجميلة لما الواحد يتعرف و يصلح من نفسه.

بعد اربع شهور تقريبا من بدأ العلاج النفسي مع الدكتور اقدر اقول ان دا احسن قرار اخدته اني مسبش نفسي متضررة نفسيا من اي شئ سواء كبير او صغير ، العلاج النفسي حقيقي لا يقل أهمية عن العلاج الجسدي ومن هنا قررت أنه اروح للدكتور الحمدلله شُفيت بنسبة كبيرة من الوسواس القهري اللي كنت بشتكي منه ، الدكتور اضافلي مفاهيم كتير ممكن مكنتش اصح حاجه عندي واللي بسببها كانت بتسببلي ارق نوعا ما أو كانت جزء من أسباب الوسواس القهري . لاي حد ممكن يقرأ تجربتي محدش يتردد يتعالج نفسيا من اي حاجه بتسببله ضرر حتي لو كانت صغيره ، لما تكون سوي نفسيا بشكل كامل هيساعد كتير انك تعيش بشكل أفضل

أنا كنت بروح لدكاترة نفسيين من زمان لكن لما قابلت الدكتور حسيت إني أخيراً لقيت دكتور متفهم ومرتاح معاه في الكلام. أنا كل مرة بقعد أتكلم معاه بخرج من عنده حاسس براحة نفسية أكبر وبيكون عندي إحساس كبير إني قربت من الشفاء حتى لو كان بشكل بطئ لكن في أمل إني اتعالج. وكويس جداً أن الدكتور شاب صغير علشان العقلية متقاربة واكون على راحتي في الكلام.  منكرش أن أوقات بحس بإحباط لما بتعرض لمشاكل صعبة أو ضغوط بس مع العلاج النفسي بحس إني على أرض صلبة ووقت إنهياري هلاقي دعم وحد يسمعني بدون حكم عليا ويكون مهني عارف يتعامل مع الحالات النفسية المختلفة. أتمني أن العلاج النفسي تتحسن صورته في مصر والناس تفهم أن الاضطرابات النفسية بتحصل لأي حد عادي جداً وأن العلاج النفسي شيء أساسي ومهم في حياتنا

Before I came here I went to more than one doctor and I was diagnosed with depression from 4 years ago but no one understood what I am going through or succeeded in making me go on with therapy.

I've been here for two months, after the first session I decided to go on and it was hard decision for me cause I have trust issues but the way I've been treated, heard, understood and the peacefully of the place this helped me a lot.

It took me a while to be able to talk about myself and everything I wasn't able to talk about it my whole life, but it finally happened, I talked a lot.

I am also trying to explore new things about myself everyday, I admit it's hard but the doctor is helping me a lot and I am so thankful for that.

I'm still in the begining of the way and I know there will be ups, downs and a lot to fix but I believe that if I took the first step towards something so the hard part is over.

تجربتي مع العلاج النفسي بدأت من شهر "٧" كان بقالي سنين نفسيتي وحشة جدًا وكنت بفكر كتير اروح لدكتور نفسي بس مكنتش باخد خطوة بس جيت في شهر "٧" وحسيت أني لازم اخد خطوة وابتدي اتعالج واغير من نفسي دورت كتير ع عيادات لحد ما لقيت انسب حاجة قابلتني فقررت إني اروح هناك وبالفعل روحت وكانت تجربة ناجحة جدًا وساعدتني أني اخد خطوة واغير من حياتي شوية اينعم مغيرتش كتير لسه بس في فرق شاسع عن حياتي دلوقتي وحياتي قبل مااقابل الدكتور واتكلم معاه واحكي كل اللي جوايا وبدأت أطور من شخصيتي شوية ومودي بدأ يتحسن عن الاول ع الرغم إن جت فترة وانتكست واكتئبت تاني بس الحمدلله الدكتور قدر يساعدني اني اعدي الفترة دي..🌸 وحقيقي إحساس إنك تلاقي حد بيساعدك وعاوز يشوفك أفضل ويهمه إنك تكون كويس إحساس رائع جدًا♥️ بتمنى إني استمر في الجلسات واكون أفضل وأفضل وأشوف في نفسي الشخصية اللي انا بتمناها ومتأكدة إن الدكتور هيخلني أوصل لها بإذن الله💪🏻🌸♥️